تلاعب بعقلك الباطن (أغسل عقلك)

 كيف تتحكم بعقلك سؤال حلو جداً وهرد ع السؤال دا ف المقال دا إن شاء الله

خلينا متفقين ان الإنسان عبارة عن كتلة عادات وانت البتختار النجاح بأفعالك وافعالك قايمة علي قراراتك القرارات دي بقا انت بتاخدها من عقلك بس هنا الفكرة بتاخد قرارك بعقلك الواعي ولا اللاواعي

لو قدرنا نتحكم في عقلنا زي محنا عايزين فهو فعلاً هيوصلنا للمكان الاحنا عايزين نوصلو.

ازاي تتحكم في عقلك او تعيد برجمته او تغسل دماغك سميها زي ما تسميها ، بس دي من احسن الحاجات التعملها كل فترة مش مرة بس كل سنة كل سنيتن كل فترة بتحتاج تفهم دماغك

1- حلل نفسك

هات ورقة اكتب فيها صفاتك ومميزاتك وعيوبك ونقط الضعف بتاعتك واي حاجة بتشدك لتحت مش بتخليك تتقدم اي حاجة تيجي في بالك مهمة اكتبها في الورقة اكتب اي حاجة في الورقة لأننا مش بناخد بالنا من افعالنا عادتاً يعني مش بنشوف الصفات الفينا

اعرف حقيقتك اعرف انت مين الاول عايز اي 

سجل ف الورقة اي حاجة تخطر علي بالك فيك حتي اسال الناس القريبين منك اسال ناس كتير

بعدها بقا خد الورقة دي واقعد لوحدك في مكان هادي وفكر وشوف بقا الصفات والانت كاتبها في الورقة كانك بتحلل شخصية شخص تاني خالص وانت عايز تساعدو

شوف لي مش بيصلي جحود ولا كسل شوف لي مش قاعد لوحدو علطول لي بيقضي يومه كله ع التيكتوك بيضيع يومه علي الانستجرام لي فكر انه شخص تاني وانت عايز تساعده الطريقة دي هتساعدك جداً جداً جداً جداً

لما تعمل كدا هتفهم نفسك لو انت عندك مشكلة هتعرفها لانك هيكون عندك وعي يا صاحبي

2- حدد أهدافك

اي الانت عايز توصلو عايز توصل لمرتب معين عايز توصل لجسم معين لوزن معين اي هدف في دماغك اكتبو في الورقة وبعدها قسمو لخطوات صغيرة خطوات تعملها في يومك وتقربك لهدفك يوم ورا يوم غير كدا هتفضل في حلم لو كنت عملت وبعد متكون حللت وحددت اهدافك يا صاحبي تعملها اجزاء صغيرة علشان متزهقش متبقاش عبئ كبير عليك خدها خطوة خطوة هتقع في النص اه هتقع مش هتنجح بالساهل اه هتخسر صحاب اه بس هتكسب نفسك وحلمك يا صاحبي واظن انك اهم بالنسبة لنفسك من اي شئ 

شوف المشكلة فين مثلاً مش بتركز بسبب التيكتوك امسحه متخلهوش قدامك اقفل الاشعارات عن اي تطبيق نهااائي ركز علي حاجة واحد بنظام بومودورو مش بتصلي شوف المشكلة لو كسل ممكن تتوضي علطول علشان لما يجي معاد الصلاة تصلي تسمع قرأن علشان تتحمس للصلاة

شوف نقاط ضعف الشخص القديم وتصلحها بالشخص الجديد اكتب الصفات اللازم تكون في الشخص الجديد علشان يقدر يمشي علي الخطوات الانت كتبتها وحدد مواصفات الشخص الجديد بالضبط علشان تقدر تتقمص شخصيته تحاول مرة ورا مرة التقليد هيوصلك هيوصلك لحلمك اخلق افضل نسخة منك  قلد نفسك المحسنة تخيل قوة الانت بتعمله دا يا صاحبي انت متخيل قوة انك تتلاعب بنفسك علشان تبقي شخص افضل 

عندك فرصة كل يوم علشان تبقي احسن يمكن دي فرصة انهاردة يمكن الفرصة الأخيرة ليك استغلها قوم دلوقتي حالاً اعمل القولتلك عليه هتوصل بس صدق نفسك واهم حاجة لازم تبقي انهاردة احسن من امبارح ولو بنسبة 1% وحب نفسك

يحيي