ازاي تستفيد من تلفونك بأحسن شكل ...

-

 كلنا بلا شك معانا التلفون 24 ساعة في اليوم خلينا واقعيين ان التلفون حل مشاكل بالجملة بس ميمنعش اننا بنستهبل وبنضيع وقتنا عليه

التلفون سلاح يا يفيدك يا يضرك مفيش حل تاني انت البتختار تستخدمو ازاي تضييع وقتك في ببجي و تيك توك وتقعد علي التلفون 6 او 7 او 8 ساعات وتيجي تقول فين انا فين وقتي او تتعلم وتستفيد بوقتك عليه وانت التستخدمه مش هو اليستخدمك

بما انك بتقري المقال دا احب اهنئك لأنك نادر مفيش زيك الناس عايزة تهرب تقعد تتفرج علي نجاح التانيين ويقولو نفسي اعمل كدا  مش بيقولو انا عايز ابقي كدا ...

تعالي معايا اقولك كيف يستخدم الإنسان التلفون باحسن شكل ممكن .....


قراءة الكتب



في مواقع وبرامج كتير علشان تبدء تقرأ احب اقولك القراية مش بس هتبني شخصيتك لا هي هتخليك شخص تاني شخص فاهم وواعي وكاريزمتك واكيد مش هقولك كدا وبس دول مواقع عليها كتب كتير اكيد هتفيدك لو حابب تقرأ

موقع نور بوك عليه اكتر من 850 الف كتاب وكلهم مجانيين   للذهاب للموقع اضغط هنا

 موقع كتوباتي عليه أكتر من 30 الف كتاب حلوين جداً للذهاب للموقع اضغط هنا

حملت الكتب عايز تقرئها بقا في برامج كتير جداً وحلوين جداً هسيبك كدا اكيد لا دول برنامجين حلوين جداً

ReadEra للتحميل اضغط هنا

Read + Moon للتحميل اضغط هنا




تعلم لغة جديدة



التعلم في عصر الإنترنت أصبح مختلف تماماً محدش يقدر ينكر ذلك وأي شخص بيقول انه مش بيعترف بالتلعم علي الأونلاين هو بيكدب نفسه علشان معندهوش الإرادة لذلك بس التعلم بقا غير الاول تقدر تتعلم كل حاجة مجاناً من غير ولا جنيه واحد تقدر تفتح اليوتوب تكتب تعلم الإنجليزي هتلاقي الاف الفيديوهات هسيبك كدا اكيد لا جبتلك كذا قناة وكذا موقع وكذا برنامج لتعلم اللغات

اول قناة وبرنامج هما لعدد كبير جداً من اللغات زي الصيني واليباني والفرنساوي والانجليزي والاسباني وايضاً العربي والروسي والتركي والالماني

للذهاب لقناة اليوتوب اضغط هنا

لتحميل البرنامج اضغط هنا

تاني تطبيق هو ديولنجو بسيط جداً وعليه لغات كتير جداً للتحميل اضغط هنا

ثالت تطبيق هو busuu للتحميل اضغط هنا




تبقي أحسن من امبارح




متخليش يوم يعدي من غير متطلع بمعلومة تخيك احسن من امبارح لازم كل يوم تبقي احسن من امبارح حتي لو بنسبة 1% بس 
كل يوم لازم تتعلم وتغلط وتعرف الصح اي والغلط اي علشان متككرهوش لازم تعرف ان الدنيا بتمشي مش هتستناك لحد ما تلقي شغفك او لحد ميبقي مودك حلو علشان تعرف تنجز وتعلم حاجة صح في حياتك لو تايه مش عارف تعمل اي بجد اوقف مع نفسك افهم انت عايز اي وورقة وقلم واعمل خطة لنفسك انا عايز اي عايز اعمل اي عايز ابقي فين 
ولو كنت من البيضيعو وقتهم علي التلفون والكلام بس زي كدا تقدر تتغير انا كنت بقعد علي التلفون ب ال9 ساعات تخيل في الوقت دا انا شوفت حياة كام شخص شوفت كام واحد ناجح نفسي ابقي زيو مش عايز ابقي زيو ولو مش فاهم الفرق بين عايز ونفسي انا قولتو فوق 

هسيبلكم كذا لينك لقنوات لازم تتابعها

  1. دورس اونلاين
  2.  محمود اسماعيل
  3. Matt D'Avella
  4. جيل يقرأ
  5. walid taha
  6. ثائر
  7. دوباميكافين
  8. عبدالله العلاوي
القنوات دول بجد مهمين جداً مش عايز اقولك قد اي فرقو معايا واتمني انهم يفيدوك




تلفونك يبقي نظيف





نظف تلفونك اي برنامج مش بتستخدمه امسحه مش لازم يبقي عندك 500 تطبيق مش سباق هو امسح كل حاجة بتاخد وقتك اي حاجة بتستهلكك امسح الفيسبوك امسح انستجرام امسح اي حاجة بتضيلعك وقتك امسحها خلي عندك حاجات بسيطة تكون منظمة 
خلي شكله حلو يبسطك لما تشوفه ويكون مرتب بشكل انك متضيعش وقت عليه 
انا مثلاً حاطط في الشاشة الرئيسية ساعة و اختصار لتطبيق تيكتيك علشان اتتبع عادات الصفحة البعدها حاطط اختصار ل4 شاتات تلجرام ومواعيد الصلاة اختصارين لنوشن وديولنجو الصفحة البعدها فيها برامج مهمة لازم افتحها كل يوم علشان ابقي احسن من امبارح

الصفحة الرئيسية

الصفحة التانية

الصفخة الثالثة والاخيرة


وبكده اظن انك عرفت كيف يستخدم الإنسان التلفون ولو وصلت لهنا احب اقولك مادمت تحاول ستصل 

كتب هذا المقال يحيي طارق

للتواصل اضغط هنا

المشاركات الشائعة من هذه المدونة

تلاعب بعقلك الباطن (أغسل عقلك)

-
صورة
 كيف تتحكم بعقلك سؤال حلو جداً وهرد ع السؤال دا ف المقال دا إن شاء الله خلينا متفقين ان الإنسان عبارة عن كتلة عادات وانت البتختار النجاح بأفعالك وافعالك قايمة علي قراراتك القرارات دي بقا انت بتاخدها من عقلك بس هنا الفكرة بتاخد قرارك بعقلك الواعي ولا اللاواعي لو قدرنا نتحكم في عقلنا زي محنا عايزين فهو فعلاً هيوصلنا للمكان الاحنا عايزين نوصلو. ازاي تتحكم في عقلك او تعيد برجمته او تغسل دماغك سميها زي ما تسميها ، بس دي من احسن الحاجات التعملها كل فترة مش مرة بس كل سنة كل سنيتن كل فترة بتحتاج تفهم دماغك 1- حلل نفسك هات ورقة اكتب فيها صفاتك ومميزاتك وعيوبك ونقط الضعف بتاعتك واي حاجة بتشدك لتحت مش بتخليك تتقدم اي حاجة تيجي في بالك مهمة اكتبها في الورقة اكتب اي حاجة في الورقة لأننا مش بناخد بالنا من افعالنا عادتاً يعني مش بنشوف الصفات الفينا اعرف حقيقتك اعرف انت مين الاول عايز اي  سجل ف الورقة اي حاجة تخطر علي بالك فيك حتي اسال الناس القريبين منك اسال ناس كتير بعدها بقا خد الورقة دي واقعد لوحدك في مكان هادي وفكر وشوف بقا الصفات والانت كاتبها في الورقة كانك بتحلل شخصية شخص تاني خالص وا...
Read more »

لماذا يجب عليك معرفة كيف يعيش الإنسان؟

-
صورة
 مش كيف تعيش انت ولا كيف اعيش انا  كيف يعيش الإنسان  يعيش الإنسان بطرق كتيرة ولكن يجب عليك كإنسان بيعيش حياته بطريقة صحيحة ان تكون اكثر نشاطاً ودي اكتر مشكلة بنعاني منها حالياً مش من يوم وليلة هتفهم وتعرف تعيش ازاي لازم تاخد وقت مع نفسك وتفكر بهدوء ولكن الغرض من هذه المقالة هي بضعة اشياء تسهل عليك كثيراً من التعب والالم والبحث وحاجات كتير جداً  حالياً كل حاجة بقت سريعة بدل الفيديو بقا real بدل قراءة الكتب بقا في ملخصات بدل المقالة في بوست كل حاجة بقت سريعة زي متلاقي حد بيقولك انا عايز اسرع طريقة اعمل بيها كذا ودا مش بيكمل في اي حاجة بسبب انو مستعجل كل حاجة اخدها جري  عايزك تجيب ورقة وقلم وتيجي معايا وامشي معايا خطوة خطوة متجريش الصلاة وانا مش بقولك تبقي شيخ لا بس الصلاة غير انها فرض علي كل مسلم إلا ان ليها تأثير نفسي جبار جداً ممكن تبان حاجة كليشيه اوي ان اقولك اصحي بدري بس الصحيان بدري مفيد جداً وبيخلي يومك طويل تقدر تعمل فيه كل حاجة قراية كل يوم 10 صفحات من كتاب دا عظمة جداً القراية ليها فوايد كتير جداً واكيد انت عارفها مش مستني اني اكتبهالك السوشيال ميديا مله...
Read more »