كيف يبدء الإنسان حياه أخري

كيف يبدء الإنسان حياة اخري 

كلنا بشكل او بأخر بنزهق بنتعب بنغلط ونضايق بنقف بنسوف وبنحس اننا تايهين مش المفروض نكون موجودين هنا

أزاي ابدء حياتي من جديد

بتتبع عاداتك هتعرف المشكلة عندك في اي هتعرف انت محتاج اي 

هتعرف اي العادات المحتاج تتخلص منها واي العادات العايز تكتسبها زي لو انت شخص كسول جداً ومش بتحب الحركة كتير زيي مثلاً فلازم ولابد من انك تمشي كل يوم نص ساعة علي الاقل او تنزل الجيم ويا سلام لو عملت الاتنين مع بعض هتبقي شخص تاني فعلاً 

وكمان نحط هدف واقعي للتحقيق بمعني انا في اول السنة قولت انا السنة دي عايز اقرأ 12 كتاب بمعدل كل شهر كتاب هو حلو بس لي محطش هدف اني استفاد من الكتب مش قراية بس حط هدف واقعي بمدة معينة زي مثلاً هقرأ في اليوم 10 صفحات من كتاب وفي خلال شهر هتكون مخلص 300 صفحة ودا رقم حلو جداً

انسي الفات وبلاش بكاء علي الأطلال

الفات مات

 فعلاً مات كلنا بنزعل من حاجات حصلت تصرفات غلط عملناها او علاقة فشلت او اي حاجة ممكن تخليك تزعل وتشغل اغاني تامر عاشور وبهاء سلطان ولي طيب بجد لي لي تعمل في نفسك كدا الفات مات بص علي دلوقتي ركز علي الجاي العدي عدي انسي ولو مش قادر تنسي حاول متفكرش نفسك هتعدي والله هتعدي هتاخد وقتها وهتعدي بس اتاكد ان كل حاجة بتعدي مهما كانت اي هتعدي

خطط لبكرة بس ابدء من انهاردة

التخطيط لازم علشان تتابع نفسك وتعرف انت ماشي يمين ولا شمال ماشي صح ولا غلط الخطة بتبقي عاملة زي المرشد ليك ف الرحلة كدا بس متخططش بتفاصيل اوي خطط اه بس مش لو معملتش حاجة تعلق لنفسك حبل المشنقة وانا فاشل وانا مبعرفش لا عادي بكرة هعمل بس خلبالك مش كل يوم تقول بكرة وتقول مش هعلق لنفسي حبل المشنقة لا دا كدا تسويف حاول تمسك العصاية من النص كدا فاهمني لا تخطط اوي وتركز ف التفاصيل ولا تسيب الدنيا خالص وتسوف 

بالمختصر 

• تتبع عاداتك 
• غير العادات السلبية بعادات اخري إيجابية
• انسي الفات الفات مات وتقبله زي مهو
• سامح نفسك ومتعلقش لنفسك حبل المشنقة كلنا بنغلط
• خطط لبكرة وابدء من انهاردة
• متسوفش
• متسوفش
• متسوفش

انت الشخص الوحيد في حياتك المسؤل عن حياتك 

وفي النهاية ما دمت تحاول ستصل

كتب هذا المقال يحيي طارق للتواصل اضغط هنا